Pse e shkarkuam gruan e Dashamir Shehit

15:15 | 9 Mars 2017
Arbresh.info

Pas dështimit të seancës së fundit, për mungesë kuorumi, për shkarkimin e kreut të Autoritetit të Mbikëqyrjes Financiare, Komisioni parlamentar i Ekonomisë është mbledhur në mjediset e seancës plenare për këtë çështje.

Me shumicë votash, 9 me 2 Komision miratoi shkarkimin e Drejtorit Ekzekutiv të AMF, Enkeleda Shehi, vendimi i të cilit do t’i kalojë seancës së radhës.

Kryetari i këtij Komisioni, Erion Braçe, në një prononcim për TV SCAN u shpreh se ky vendim u mor për të çliruar këtë institucion dhe në shërbim të tregut financiar të vendit.

Komisioni parlamentar i Ekonomisë javën e kaluar ka zhvilluar seancë dëgjimore me anëtarët e bordit si dhe me Drejtoren Ekzekutive te AMF.

Përplasjet mes kreut të AMF dhe anëtarëve të Bordit janë shfaqur në publik që në mesin e vitit të kaluar e kishin të bënin kryesisht me vendimmarrjen e me rekrutimet në institucion.

Enkeleda Shehi eshte bashkeshortja e Dashamir Shehit, kryetarit te LZHK-se ne aleance me Partine Demokratike.

Shpërndaje në rrjete sociale

Lajmet më të lexuara

Të ngjashme

Foto lajm